NBA: “Nyu-York” məşqçisinin fəaliyyətinə son verdi

13 Aprel 2018 19:45

NBA klublarından "Nyu-York Niks" baş məşqçi Ceff Hornaseklə yollarını ayırıb.

Milli.Az apasport.az-a istinadən xəbər verir ki, Nyu-York təmsilçisinin rəsmi saytında bu barədə açıqlama yer alıb.

Açıqlamada klub prezidenti Stiv Millzin sözlərinə də yer verilib. Millz 54 yaşlı mütəxəssisə fəaliyyət müddəti ərzində etdiklərinə görə təşəkkür edib.

"Niks"in 28-ci baş məşqçisi kimi tarixə düşən Hornasek 2016-cı ildə klubun başına keçmişdi. Onun rəhbərliyi altında "Nyu-York" oynadığı 164 oyunun 60-dan qalib ayrılmışdı.

Xatırladaq ki, NBA-da müntəzəm çempionatı 29 qələbə ilə tamamlayan "Nyu-York Niks" Şərq konfransında 11-ci olaraq, pley-offdan kənar qalmışdı.

Milli.Az