ABŞ-ınən populyar realiti-şou ulduzu, pornoqrafik videoları yayılandan sonra məşhurlaşan Kim Kardaşyanın kiçik bacısı, 33 yaşlı model Xloya Kardaşyan ilk övladını dünyaya gətirib. Qız Klivlend şəhərindəki klinikada doğulub.
Milli.Az E!-yə istinadən bildirir ki, Xloyanın hamiləliyi barədə ilk xəbər 2017-ci ilin sentyabrında yayılmışdı. O, hamilə olduğunu dekabrda etiraf etmişdi.
Xloya Kardaşyanın doğduğu uşağın atası "Cleveland Cavaliers" basketbol klubunun ulduzu, 27 yaşlı Tristan Tompsondur.
Fevralın 1-də Xloyanın bacısı Kayli Cenner qızını dünyaya gətirmiş, böyük bacısı Kim Kardaşyan isə yanvarın 16-da üçüncü övladını doğmuşdu.
Xloya Kardaşyanın doğuş sancıları tutan kimi anası Kris Cenner, bacıları Kortni və Kim təcili olaraq Klivlenddəki klinikaya yollanmışdılar.
Tristan Tompson qeyri-rəsmi nikahda olduğu xanımı Xloya Kardaşyana Nyu-Yorkdakı striptiz-barlardan birində işləyən 28 yaşlı Lani Blerlə xəyanət etsə də, Kardaşyanlar ailəsi onu palataya buraxıb.
Ötən ilin oktyabrında isə Tristan Tompson Vaşinqton şəhərindəki launcda iki modellə gecə keçirmişdi.
T.Tompsonun sabiq sevgilisi Cordan Kreyqlə qeyri-rəsmi nikahından 1 yaşlı Prins adlı oğlu var.
Xloya Kardaşyanın sabiq əri, 38 yaşlı basketbolçu Lamar Odom da klinikaya yollanmaq istəyir. O, Xloya ilə yenidən birlikdə yaşamağı arzuladığını vurğulayıb.
Milli.Az