Mask vakuum qatarı üçün tunelin ilk sınağına hazırlaşır

12 Aprel 2018 22:15

"SpaceX" və "Tesla" rəhbəri Elon Mask yaxın vaxtlarda "Hyperloop" yüksəl sürətli nəqliyyat sistemi üçün nəzərdə tutulmuş tuneli sınaqdan keçirəcəklərini açıqlayıb.

Milli.Az lent.az-a istinadən xəbər verir ki, E. Mask bunu "Twitter"də yazıb. O bildirib ki, sınaq zamanı vakuum tunelinin daxilində hərəkət edəcək kapsulun sürəti saatda 500 km və ya səs sürətinin yarısına çatmalıdır. Tormozlama yolu 1,2 km təşkil edəcək. E. Mask tunelin məsafəsinin böyük olmadığını, bu səbəblə kapsulun dağıla biləcəyini söyləyərək əlavə edib ki, istənilən halda sınağı izləmək əyləncəli olacaq.  

Qeyd edək ki, "Hyperloop" E. Mask tərəfindən 2013-cü ildə hazırlanmış nəqliyyat sistemi ideyasıdır. Layihə içərisində vakuum qatarı - aerodinamik yastıq üzərinə yerləşdirilmiş germetik kapsulun olacağı polad borulardan ibarətdir. Qatarın sürəti saatda 1220 km-ə çatmalıdır. 

Milli.Az