"Hər zaman ölkəmin yığması üçün oynamağa hazıram. Düzdür, ötən il bəzi oyunlara dəvət almadım. Bu, məşqçilər korpusunun qərarı idi".
Milli.Az qol.az-a istinadən xəbər verir ki, bu sözləri Belarus millisinin üzvü İqor Şitov deyib. "Astana" klubunun şərəfini qoruyan müdafiəçi Qazaxıstan mətbuatına açıqlamasında martın 23-də yığmamızla keçirəcəkləri oyuna da toxunub: "Martın 23-də Bakıda Azərbaycan, 27-də isə Lyublyanada Sloveniya ilə oynayacağıq. Düşünürəm ki, bizi maraqlı oyunlar gözləyir".
Qeyd edək ki, Bakı Olimpiya Stadionunda martın 23-də keçiriləcək Azərbaycan - Belarus matçı saat 20:00-da başlayacaq.
Milli.Az