Sumqayıtda piyadanı vurdu, hadisə yerindən qaçdı

13 Mart 2018 23:34

Sumqayıtda avtomobil piyadanı vuraraq qaçıb.

Milli.Az "Report"a istinadən bildirir ki, hadisə şəhərin H.Z.Tağıyev qəsəbəsində baş verib.

Belə ki, qəsəbə sakini 1970-ci il təvəllüdlü Mehman İkram oğlu Hüseynov yaşadığı ərazidə yolu keçmək istəyərkən naməlum avtomobil tərəfindən vurulub. Yaralı Sumqayıt şəhər TTYX-a çatdırılıb.

Onun vəziyyətinin qənaətbəxş olduğu bildirilir.

Qəzadan sonra sürücü hadisə yerini tərk edib. Faktla bağlı araşdırma aparılır.

Milli.Az