Bu il qrip mövsümü başa çatmamışdan öncə 114 uşaq artıq dünyasını dəyişib. Həkimlərin dediyinə görə, onların əksəriyyəti vaksin vurulmayan uşaqlardır.
Milli.Az "Amerikanın səsi"nə istinadən bildirir ki, Nümayəndələr Palatasının alt komitəsində ifadə verən doktor Ann Şucat bildirib ki, vaksinlərin effektivliyi yuxarı olmasa da, onların uşaqlara təsiri daha yüksəkdir.
Sorğuların ilkin nəticələrinə görə, vaksinlərin effektivliyi 36 faiz təşkil edib. Uşaqlarda isə bu göstəricinin 59 faiz olduğu müşahidə edilib.
Doktor bildirib ki, uşaqların vaksinlərə cavabı yaşlılardan daha sürətlidir.
Vaksinlərin imtiyazı
Həkimlər 6 aylarından başlayaraq uşaqların hər il vaksin qəbul etməsini məsləhər görsələr də, ABŞ-da yalnız 60 faiz uşağa peyvənd vurulur.
Doktor Ann Şucat bildirib ki, vaksinlər xəstəliklərə tutulmanın qarşısını almaqla yanşı, onların yayılmasına da mane olur.
Lakin vaksin qəbul edilməsi heç də xəstəxanaya düşmə və ya ölüm hallarını aradan qaldırmır.
Araşdırmalardan məlum olub ki, vaksin qəbul edənlərin ölüm riski üçdə iki faiz təşkil edir.
Qripin kulminasiyası arxada qalıb
Doktor Ann Şucat bildirib ki, xəstəliyin yayılması kulminasiya nöqtəsini aşsa da, hələ də çox sayda insan xəstədir.
Xəstəliyin zirvə nöqtəsi fevral ayının ortalarında olub. Xəstəlik mövsümü isə bir neçə həftə davam edir.
Alimlərin dediyinə görə, vaksinlər bu il yayılan A kimi tanınan H2N2-dənsə, B qrip dalğasına daha effektiv təsir edir.
Həkimlər vaksin qəbul etməyin heç etməməkdən daha yaxşı olduğunu deyir.
Milli.Az