"Arsenal"ın qışda transfer etdiyi Pyer-Emerik Obameyanq Premyer Liqanın 30-cu turunda "Uotford"u 3:0 məğlub etdikləri oyundan sonra fikirlərini bölüşüb.
Milli.Az goal.az-a istinadən xəbər verir ki, qabonlu hücumçu bunları deyib:
"Əlbəttə, burda xoşbəxtəm. "Arsenal"a Venqerin sayəsində gəlmişəm. Mənə göstərdiyi marağa görə onun rəhbərliyi altında oynamaq xoşdur. "Uotford" üzərində parlaq qələbə qazandıq. Komanda əla oynadı və vacib 3 xal qazandı. Fikrimcə, azarkeşlər də meydanda gördüklərindən razı qaldı. İlk günlər asan olmasa da, tədricən "Arsenal"a alışıram. Yanvarda tempi tutmaq çətin idi. Qəribə qaydalar səbəbindən bu mövsüm Avropa Liqasında oynaya bilməyəcəm, həyat belədir".
Milli.Az