Martın 9-da Belorusda şaxtada dağıntılar altında qalan iki şaxtaçı ölüb.
Milli.Az APA-ya istinadən xəbər verir ki, bunu bu gün "Belaruskaliy" şirkətinin direktoru İvan Qolovatıy bildirib.
Cümə günü 10 saylı sahədəki şaxtada qəfil qaz püskürməsi baş verib. Həmin vaxt şaxtada 1973 və 1985-ci il təvəllüdlü iki fəhlə olub. Bu gün onların cəsədləri dağıntılar altından çıxarılıb.
Faktla bağlı cinayət işi açılıb.
Milli.Az