Azərbaycanın yeni Kino Kompleksi layihəsi təqdim olundu

29 Mart 2010 15:51

Milli.Az xəbər portalının məlumatına görə, tədbirdə bildirildi ki, bu Kompleks, Kino Evi, Beynəlxalq Kino Festivalı Mərkəzi, Dünya Kino Mərkəzri və Beynəlxalq Kino Məktəbindən ibarətdir.

Azərbaycan Kinematoqrafçılar İtitfaqının birinci katibi Rasim Balayev bildirib ki, Kino Evinin tikilməsinə hələ 50 il əvvəl cəhd göstərilib, hətta bui şin layihəsi də hazırlanıb. Lakin bir sıra obyektiv və subeyetklik səbəblərdən layihə reallaşmayıb.

"2006-cı ildə Azərbaycan Prezidenti İlham Əliyev Azərbaycan Kinematoqrafçılar İtitfaqının sədri Rüstəm İbrahimbəyovu qəbul etdi və kinounun inkişafı üçün lazım olan bir sıra qərarlar verdi. Qərarın reallaşması üçun Bakı Şəhər İcra Hakimiyyətinin sərəncamı ilə Səbail bələdiyyəsi ehtiyac fondundan torpaq sahəsi ayırdı. Bu torpaq sahəsi qanunvericiliyə müvafiq olaraq dövlət qeydiyyatından keçdi" - deyg R.Balayev bildiri. O, qeyd edib Ki, "Kino Evi - Kinofestival Mərkəzi - Beynəlxalq Kino Məktəbi" kompleksinin yerləşdiyi Bayıl yamacından Bakı buxtası və müasir Bakının amfiteatr şəkilli görüntüsü açılır. Sözügedən memarlıq layihəsi dövlət başçısı tərəfindən də bəyənilib.

R. Balayev həmçinin məlumat verib ki, kompleksin yerləşdiyi ərazidə torpağın bərkidilməsi işinə 1 milyon manat ayrılıb. Burada mürəkkəb geoloji tədqiqat işləri aparılıb, torpağın möhkəmləndirilməsinə və ekoloji müdafiə məsələri ilə bağlı ölçülər sistemi şazırlanıb. Kompleksin sahəsi isə 13 min 400 kvadrat metrdir.

Azərbaycan Kinematoqrafçılar İtitfaqının sədri Rustəm İbrahimbəyov isə çıxışında bilidirib ki, Kompleksə 500 nəfərlik kino-konesert zalı, Dünya Kinosu Muzeyi, sərgi salonları, yaradıcılıq emalatxanaları, restoran, təntənəli mərasimlər üçün banket zalı və kiçik mehmanxana da daxildir. Onun sözlərinə görə, kompleksin memarlıq işlərində Bakıda 19 əsrin sonu, 20-ci əsrin əvvəllərində tikilmiş ən maraqlı binaların üslubundan istifadə olunub.
R.İbrahimbəyov kompleksin ərsəyə gəlməsi barədə danışarkən deyib ki, Dövlət Neft Şirkəti sözügedən ərazidə neft çıxarılacağını əsas gətirərək bu tikintinin mümkün olmadığını bildirirdi: "Lakin dövlət başçısının müdaxiləsindən sonra məsələ yoluna qoyuldu".

R.İbrahimbəyov məlumat verib ki, Kino Kompleksi Şərq-Qərb Beynəlxq Kinofestivalının münsiflər heyətininin və qonaqların yerləşdirilməsi, həmçinin müsabiqə baxışlarının keçirilməsi üçün nəzərlə tutulub. Kompleksin böyük zalında mütəmadi olaraq Azərbaycanın və digər ölkələrin aparıcı kinematoqrafçılarının filmlərinin ilk baxışı keçiriləcək.

O, həmçinin deyib ki, Kino Kompleksinin tikilməsinə 15-20 milyon manat sərf olunub. Bu işdə əsas sərmayədarlar isə Almaniya, İngiltərə və Amerikadan olublar.

Qeyd edək ki, layihənin icrasına artıq başlanılıb və iki il müddətinə başa çatdırılması nəzərdə tutulur.

Təqdimat mərasimindən sonra jurnalistlər Komplekslə tanış olmaq üçün Bayıl qəsəbəsinə aparılıblar. Həmin ərazidən çəkdiyimiz foşəkilləri təqdim edirik.

S.Babayeva
Milli.Az

--------------------------------------------------------------------------------

Foto Milli.Az