"Roma"nın idman direktoru Ramon Monçi 2017-ci ilin yayında Məhəmməd Salahı "Liverpul"a satmaq məcburiyyətində qaldıqlarını bildirib.
Milli.Az goal.az-a istinadən xəbər verir ki, ispaniyalı funksioner bunları deyib:
"Liverpul" Salaha görə 32 milyon avro birbaşa, 3 milyon isə bonus təklif etmişdi. Digər bonuslar da nəzərə alınmaqla onun transferindən 50 milyon avro qazana bilərdik. İndi başa düşürəm ki, daha artıq qazancımız ola bilərdi. Onun qiyməti 2 dəfə artıb. Amma həmin vaxt klubun maliyyə durumuna görə Salahı satmaq məcburiyyətində idik".
Misirli hücumçu bu mövsüm Premyer Liqada 26 oyuna çıxıb və 22 qol vurub.
Milli.Az