Bayıldakı sürüşmədən sonra Səbail Rayon İcra Hakimiyyətinin başçısı Eldar Əzizov əraziyə gəldi, bizimlə danışdı. Amma Eldar Əzizov kompensasiya ilə bağlı konkret vəd vermədi.
Milli.Az xəbər verir ki, bunu report-a Bayıl qəsəbəsində sürüşmə zonası zamanı evi torpağın altında qalan Telman Aslanov deyib.
"İcra başçısı bizdən bir neçə gün vaxt istədi, dəymiş ziyanla bağlı məsələyə baxılacağını söylədi", - T.Aslanov bildirib.
O qeyd edib ki, sürüşmə zamanı evdə olmayıblar: "Evdəki bütün əşyalar sürüşmə nəticəsində damın altında qaldı. Neçə min manatlıq mebelim dağıldı".
Milli.Az