Sloveniyada keçirilən futzal üzrə Avropa çempionatında 3-cü yerin sahibi bəlli olub.
Milli.Az apasport.az-a istinadən xəbər verir ki, bürünc mükafatçının adına Rusiya və Qazaxıstan arasında keçirilən matçdan sonra aydınlıq gəlib.
Görüş rusların 1:0 hesablı qələbəsi ilə yekunlaşıb. Şimal qonşularımıza qələbə qazandıran qola 29-cu dəqiqədə Eder Lima imza atıb. Bununla da, Rusiya qitə birinciliyində 3-cü yeri tutub.
Qeyd edək ki, AVRO-2018-in qalibi isə Portuqaliya və İspaniya arasında keçiriləcək görüşdə müəyyənləşəcək.
Milli.Az
Digər maraqlı xəbərlər Milli.Az-ın Facebook səhifəsində