Bayram yaxınlaşır və süfrələr bir-birindən ləziz təamlarla bəzədiləcək. Amma diqqət etmək lazımdır ki, həmin təamlar ləzzətli olduğu qədər, həm də sağlam olsun. Milli.Az ailem.az-a istinadən dadlı və sağlam qırmızı kələm salatının reseptini təqdim edir.
Lazım olanlar:
1 ədəd qırmızı kələm
1 stəkan qatıq
4 xörək qaşığı mayonez
2 diş sarımsaq
3 xörək qaşığı duru yağ
Duz
Hazırlanması:
Əvvəlcə kələmi nazik-nazik doğrayın. Bir tavanın içərisinə ataraq 15-20 dəqiqə boyunca kələmlər yumşalana qədər qovurun. Kələmlər qovrulduqdan sonra yaxşıca soyumasını gözləyin. Ayrı bir qabın içərisində 2 diş sarımsağı rəndələyin. Üzərinə mayonez və qatığı əlavə edin. Sonra bir qabın içərisinə qoyaraq kələmlərlə bərabər yaxşıca qarışdırın və boşqaba qoyaraq servis edin.
Nuş olsun!
Milli.Az