"Qüds" sözü "müqəddəslik" sözü ilə eyni kökdəndir. Yəni Qüds şəhərinin adı müqəddəsliyi ifadə edir. Bu şəhərə sair dinlərdə də "müqəddəs şəhər" deyirlər. Səbəb budur ki, Qüdsdə üç səmavi dinin müqəddəs ibadətgahları yerləşir.
Milli.Az islam.az-a istinadən bildirir ki, yəhudi inancına görə, Həzrət Süleyman (ə) məbədi bu şəhərə müqəddəslik bəxş edir. Xristianlar Həzrət İsanın (ə) yaşadığı, öldürüldüyü və dəfn edildiyi (xristian inancına görə) şəhər kimi Qüdsə ehtiram göstərirlər. İslam dinində isə Qüds müsəlmanların Məkkədən əvvəlki ilk qibləsidir. Həzrət Mühəmməd Peyğəmbər (s) merac gecəsində əvvəldə Məkkədən Qüdsə aparılmış, oradan səmaya - meraca yüksəlmişdir.
Milli.Az
Digər maraqlı xəbərlər Milli.Az-ın Facebook səhifəsində
Milli.Az-ın ən mühüm və maraqlı xəbərlərini "Telegram"da izləyin