Arvadını və 4 qızını öldürüb həyətdə basdırıb - Salyanda DƏHŞƏTLİ QƏTL - YENİLƏNİB - TƏFƏRRÜAT

7 Dekabr 2017 12:58

12:58

Salyanda 3 il əvvəl törədilən dəhşətli qətlin bəzi təfərrüatları məlum olub.

Milli.Az-ın APA-ya istinadən məlumatına görə, 63 yaşlı Fərhad Əliyev arvadını və 4 qızını boğazını kəsərək öldürüb. İlkin məlumatlara əsasən, F. Əliyev oğlu Fəqan Əliyevlə birlikdə ailə üzvlərini evin zirzəmisində basdırıb.

-----------

09:10

Salyanda 3 il əvvəl baş vermiş dəhşətli cinayətin üstü açılıb.

Milli.Az virtualaz.org-a istinadən xəbər verir ki, 2014-cü ildə Salyan şəhərinin "Zavod " məhəlləsində yaşayan Mehparə Nadir qızı Əliyeva dörd qızı - İradə, Rəqibə, Sevda və Ümidə ilə birlikdə  itkin düşüb. Ailənin başçısı Fərhad Məhərrəm oğlu Əliyevin içki düşkünü olması ucbatından yaşanan münaqişələrə görə qadının qızlarını götürərək Türkiyəyə getdiyi ehtimal olunsa da, onların Fərhad Əliyev tərəfindən öldürülərək oğlu Fəqanın köməkliyi ilə həyətlərində basdırıldığı məlum olub.

Hadisənin açılmasına səbəb isə bu yaxınlarda Xoşqədəm Hidayətqızının "Səni axtarıram" verilişində onlarla bağlı süjetin göstərilməsi olub. Belə ki, ana və qızlarının Türkiyəyə getməsi ehtimalının ictimailəşdilməsini qeyrətsizlik kimi qəbul edən ata və oğul törətdikləri cinayəti etiraf ediblər.
Yaxın saatlarda cəsədlərin basdırıldığı yerdən eskumasiya ediləcəyi gözlənilir.

Faktla bağlı Salyan Rayon Prokurorluğunda cinayət işi qaldırılıb, təxirəsalınmaz istintaq hərəkətləri davam etdirilir.

Milli.Az

Digər maraqlı xəbərlər Milli.Az-ın Facebook səhifəsində