İyulun 29-na olan hava proqnozu
29 İyul 2011 02:00
Milli.Az xəbər portalı AzərTAc-a istinadən xəbər verir ki, Bakıda və Abşeron yarımadasında hava günəşli olacaq.
Bakıda gecə 24-26°, gündüz 39-41° isti olacaq.
Atmosfer təzyiqi normadan aşağı 753 millimetr civə sütununa bərabər, nisbi rütubət səhər və axşam 45-55, gündüz 25-30 faiz olacaq. Abşeron çimərliklərində dəniz suyunun temperaturu 28-29 dərəcə təşkil edəcək.
Naxçıvan Muxtar Respublikasında hava günəşli olacaq.
Temperatur gecə 22-27°, gündüz 38-41°, bəzi yerlərdə 43° isti təşkil edəcək.
Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən-Gədəbəy rayonlarında hava yağmursuz keçəcək.
Temperatur gecə 18-23°, gündüz 31-36° isti təşkil edəcək.
Qazax-Gəncə, Goranboy, Tərtər-Ağdam-Ağcabədi-Füzuli-Cəbrayıl rayonlarında hava günəşli keçəcək.
Temperatur gecə 22-25°, gündüz 36-41° isti təşkil edəcək.
Balakən-Zaqatala-Qax-Şəki-Oğuz-Qəbələ, İsmayıllı-Şamaxı-Ağsu-Xızı, Siyəzən, Nabran, Quba-Qusar-Xaçmaz rayonlarında hava əsasən yağmursuz keçəcək.
Temperatur gecə 20-25°, gündüz 34-39° isti təşkil edəcək.
Mərkəzi-Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında hava günəşli keçəcək.
Temperatur gecə 22-27°, gündüz 35-40°, bəzi yerlərdə 43° isti təşkil edəcək.
Masallı-Lənkəran-Astara-Lerik, Yardımlı rayonlarında hava günəşli keçəcək.
Temperatur gecə 22-26°, gündüz 37-40°, dağlarda gecə 18-23°, gündüz 33-37° isti təşkil edəcək.
Tibbi-meteoroloji proqnoz: tropik hava kütlələrinin davamlı olaraq ölkə ərazisinə daxil olması nəticəsində yaxın 3 gün ərzində Abşeron yarımadasında kəskin isti hava şəraiti gözlənilir ki, bu da zəif küləklərin üstünlüyü fonunda xüsusilə günorta saatlarında əksər əhali üçün əlverişsizdir. Günün qızmar vaxtı əhalinin daha həssas qrupu olan uşaqlar, yaşlılar və xəstə insanlara açıq havada olmaq məsləhət görülmür.
Milli.Az