"Neftçi"nin müdafiəçisi Kirill Petrov Topaz Premyer Liqanın 11-ci turunda "Zirə"yə uduzduqları oyundan (0:1) sonra mətbuat konfransında çıxış edib.
Milli.Az xəbər verir ki, qol.az-ın müxbirinin də iştirak etdiyi brifinqi təqdim edir:
- Gərgin keçən oyun haqda fikirlərini öyrənək...
- Biz oyunun sonuna kimi hücum etməyə çalışdıq. Ancaq "Zirə" antifutbol oynadı. Cəmi bir səhv bizə baha başa gəldi və uduzduq.
- Bir müdafiəçi kimi bu qolda özünü nə dərəcədə günahkar hesab edirsən?
- Topun istiqamətini düzgün hesablamadım və tez tullandım. Məndən əvvəl meydanın mərkəzində də səhv olmuşdu. Ancaq əsas səhv məndədir.
- İkinci hissədə komanda yoldaşlarınla sanki bir gərginlik yaşadın.
- Sadəcə, emosiyanal idik. Oyundan sonra belə şeylər heç yada düşmür. Biz meydanda və ondan kənarda bir ailə kimiyik. Oyun zamanı belə hallar olur.
- Ardıcıl 4 qələbədən sonra liderlərlə qarşılaşırsınız. Birini uduzdunuz. Bundan sonra nə olacaq?
- Biz bu gün məğlub olsaq da, oyun baxımından rəqibdən geri qalmadıq. Gələcək oyunlarda da çalışacağıq ki, yaxşı çıxış edək və lazımi nəticəni qazanaq.
- Son dəqiqələrdə Milan Duriçlə aranızda nə baş verdi?
- Mən qaydalar çərçivəsində - topa oynadım. Ancaq "Zirə"nin balkanlı oyunçuları üstümə qışqırdılar. Mən də ona dedim ki, niyə qışqırırsan?
- Oyundan sonra o səninlə görüşmək istəsə də, bundan imtina etdin...
- Biz hamımız eyni işi görürük. Ancaq bəzi futbolçular təxribatla məşğuldular. Bu cür adamlarla görüşmək istəmirəm.
Milli.Az
Digər maraqlı xəbərlər Milli.Az-ın Facebook səhifəsində