Amerikalı hip-hop müğənnisi və reper Niki Minajın "Rake İt Up" mahnısına çəkdirdiyi yeni videoklip sosial şəbəkələrdə kəskin tənqid olunur.
Milli.Az TMZ-yə istinadən bildirir ki, reper Yo Qoti və model Blək Çaynanın da yer aldıqları klipdə 34 yaşlı Niki Minaj həmişəki ampluasındadır.
Lateksdən tikilmiş alt paltarında, sonra da lateks donda olan Niki Minaj çəhrayı rənglərə üstünlük verib, üstəlik səhnələrdən birində dollar əskinasları ilə dolu uşaq hovuzunda çimir.
Sosial şəbəkə istifadəçiləri klipi çox zövqsüz, açıq-saçıq hesab edirlər.
Niki Minajın Blək Çayna ilə Lamborghini-də "yarışmaları" səhnəsi isə ümumiyyətlə, gülüş doğurub.
Milli.Az