Masallı rayonunda ana və iki azyaşlı övladı ağır yanıq xəsarəti alıb.
Milli.Az APA-ya istinadən xəbər verir ki, hadisə Qızılavar kəndində qeydə alınıb. Kənd sakini, 1994-cü il təvəllüdlü Aytəkin Bağır qızı Seyfullayeva südlə dolu qazanı ocaqdan götürərkən qazan aşıb. Nəticədə, ana və 2013-cü il təvəllüdlü qızı Zəhra, 2014-cü il təvəllüdlü oğlu Əmənullah ağır yanıq xəsarətləri alıblar.
Onlar dərhal Masallı Rayon Mərkəzi Xəstəxanasına çatdırılıblar.
Uşaqların vəziyyəti ağır olduğu üçün Bakıdakı xəstəxanalarından birinə yola salınıblar.
Milli.Az