Atıcılıq üzrə Avropa çempionatında qadınlar arasında 25 metr məsafədən tapança ilə güllə atıcılığı yarışının final mərhələsində Almaniya təmsilçisi qızıl medal qazanıb.
Milli.Az Trend-ə istinadən xəbər verir ki, Monika Karç finalda 39 xal toplayıb.
İkinci yerə polşalı Klaudia Bres (33 xal), üçüncü yerə isə Bolqarıstan təmsilçisi Mariya Qrozdeva (29 xal) çıxıb.
Qeyd edək ki, bu gün Bakı Atıcılıq Mərkəzində keçirilən atıcılıq üzrə Avropa çempionatının səkkizinci günündə qrup yarışlarına start verilib. Azərbaycanın 7 idmançısı qrup yarışlarında mübarizəyə qoşulub.
Milli.Az