Stolüstü tennisçilərimiz Avropa çempionatında yarımfinala vəsiqə qazanıblar

17 İyul 2017 18:58

Stolüstü tennis üzrə qızlardan ibarət Azərbaycan milli komandası Portuqaliyanın Guimaraes şəhərində keçirilən gənclərin Avropa çempionatında öz qrupunda İspaniya, Belarus və Macarıstan yığmalarına qalib gələrək qrupun birincisi kimi növbəti mərhələyə yüksəlib.

Milli.Az Trend-ə istinadən bildirir ki, stolüstü tennisçilərimiz Norveç komandasını 3:0 hesabı ilə məğlub edərək 1/8 finala vəsiqə qazanıb.

Bu mərhələdə tennisçilərimiz Polşa yığmasını 3:1 hesabı ilə məğlub edərək yarımfinala vəsiqə qazanıblar.

Çempionatda komanda yarışları davam edir.

Milli.Az