"Mançester Siti" heyətini braziliyalı yarımmüdafiəçi ilə gücləndirib.
Milli.Az goal.az-a istinadən xəbər verir ki, "şəhərlilər" "Vasko da Gama"nın futbolçusu Duqlas Luizlə 5 illik müqavilə imzalayıb. Rio-de-Janeyro klubu bu transferdən 10 milyon funt qazanıb. "Siti" 19 yaşlı havbeki "Girona"ya icarəyə göndərəcək. Duqlas ötən mövsüm göstərdiyi oyunla Braziliyanın U-20 yığmasına dəvət alıb. "Siti" skautları onu Qabriel Jezuşla birlikdə kəşf etmişdilər.
"Duqlası aramızda görməkdən şadıq. O, böyük potensiala malik futbolçudur. Hər istedadını inkişaf etdirməkdə ona yardımçı olmağa çalışacaq " - ingilis klubunun idman direktoru Çiki Beqiristayn deyib.
Milli.Az