Bakıda qılıncla məscidə girərək namazı pozmaq istəyənlər saxlanıldı - FOTO

15 İyul 2017 09:49

Bakıda məscidə hücum edən şəxslər saxlanılıb.

Milli.Az xəbər verir ki, Yasamal rayon Polis İdarəsindən APA-ya verilən məlumata görə, Təzəpir məscidində günorta namazı qılınan zaman iki nəfər məscidə girib.

Onlardan birinin əlində qılınc, digərinin əlində isə dini bayraq olub. Məsciddə olan şəxslər dərhal polis əməkdaşlarına məlumat veriblər.
 
Yasamal rayon Polis İdarəsi 26-cı Polis Bölməsinin əməkdaşları tərəfindən həmin şəxslər saxlanılıb.
 
Onların Yaşar Əliqulu oğlu Cahangirov və Əfqan Elman oğlu Aydınov olduğu müəyyən edilib. Həmin şəxslər istintaqa təhvil veriliblər.
 
Hazırda faktla bağlı araşdırma aparılır. 
 
Qeyd edək ki, hadisə barədə ilk olaraq "Bakıpost" məlumat yayıb.

Milli.Az

Digər maraqlı xəbərlər Milli.Az-ın Facebook səhifəsində