"Liverpul" hücum xəttini gücləndirmək üçün transfer çalışmalarını davam etdirir.
Milli.Az goal.az-a istinadən xəbər verir ki, "qırmızılar" 22 yaşlı Anhel Korreanı heyətinə cəlb etmək niyyətindədir. Argentinalı forvarda görə "Atletiko Madrid"ə 25 milyon funt təklif olunub. Futbolçunun özünə 5 illik müqavilə və 2.4 milyon funt məvacib vəd olunub. Madrid klubu FİFA tərəfindən transfer qadağası ilə üzləşdiyinə görə Korreanın yayda "Liverpul"a gəlməsi gözlənilmir. Planları baş tutmayacağı halda "qırmızılar" yanvarda növbəti dəfə bu transfer məsələsinə qayıda bilər. Ötən mövsüm Korrea İspaniya La Liqasında 31 oyuna çıxıb. O, 4 qol vurmaqla 8 dəfə komanda yoldaşlarına fərqlənmək imkanı yaradıb.
Milli.Az
Digər maraqlı xəbərlər Milli.Az-ın Facebook səhifəsində