Türkiyə hüquq-mühafizə orqanlarının 4 vilayətdə keçirdiyi əməliyyat nəticəsində PKK-nın 44 üzvü saxlanılıb.
Milli.Az Trend-ə istinadən xəbər verir ki, saxlananlar arasında ötən ilin dekabrında İstanbulda törədilmiş terror aktının təşkilatçısı da var. Bu barədə açıqlamanı İstanbul valisi Vasip Şahin deyib.
Xatırladaq ki, 2016-cı ilin dekabrında İstanbulda "Vodafone Arena" yaxınlığında futbol matçından sonra törədilmiş terror aktında 38 nəfəri polis əməkdaşı olmaqla 44 nəfər həlak olmuşdu.
Milli.Az