"Milyonlarını hara gəldi xərcləyir" - Mehriban Xanlarova - VİDEO

13 İyul 2017 17:35

Əməkdar artist, tanınmış aktrisa Mehriban Xanlarova müğənni İzzət Bağırovun ssenarisi əsasında çəkilən filmdə rol alıb.

Milli.Az bildirir ki, yeniçag.az-a açıqlama verən aktrisa artıq çəkilişlərin başladığını deyib:

"Ssenari olduqca maraqlıdır. Hadisələr dramatik xətlə cərəyan edir. Mən filmdə milyonçu arvadı obrazını canlandırıram. İzzət mənim qızımı sevir, amma düşmən olduğumuz üçün, bu evlilik baş tutmur. Təsadüfən oğlumun əlində tüfəng açılır və öz bacısını öldürür. İzzətin bu sevgisi faciə ilə bitir. Məşhur milyonçu xanımı olsam da həyat yoldaşımı sevmirəm, onunla məcburiyyətdən bir yerdə qalıram. Çünki pis adamdır və milyonlarını hara gəldi xərcləyir, pis əməlləri ilə ailəsini boğaza yığır".

Aktrisa aldığı qonorardan da danışıb:

"Bu, İzzətlə ikinci işbirliyimizdir, onunla birgə filmə çəkilmək çox xoşdur. O, həmişə aktyorlara layiq olduğu qonorarı verib. Bu dəfə də belə oldu, Allah ondan razı qalsın".

Qeyd edək ki, tammetrajlı bədii filmin rejissoru Samir Qulamovdur.

Milli.Az

Videonu izləmək üçün şəklə klikləyin:

Digər maraqlı xəbərlər Milli.Az-ın Facebook səhifəsində