ABŞ-da polis əməkdaşlarının vətəndaşa qarşı amansız və qəddar davranışı ilə bağlı daha bir qalmaqal yaşanır.
Milli.Az ABC-yə istinadən bildirir ki, olay ABŞ-ın Kaliforniya ştatının San-Dieqo şəhərində yaşanıb.
Qanun pozuntusunda şübhəli bildikləri qaradərili vətəndaşı saxlayan üç polis zabiti onu vurub. Saxlanan şəxs günahsız olduğunu desə də, ona kimsə qulaq asmayıb.
"Buraxın məni! Günahım yoxdur!" deyən şəxs bu sözləri deyəndə polisin xidməti köpəyi atılaraq dişlərini onun sağ qoluna keçirib.
Qaradərilinin qolunu gəmirən köpəyi kimsə günahsız şəxsdən aralamayıb, itə müvafiq komanda verilməyib.
Yaşananları Anhel Nunyes smartfonla çəkərək Facebook-dakı profilində paylaşıb.
Milli.Az
Videonu izləmək üçün şəklə klikləyin: