Bavariya şirkəti ortaölçülü krossoverin üçüncü nəslini rəsmən təqdim edib. Avtomobil əvvəlki X3 modelindən fərqli olaraq ölçüləri daha böyükdür: Hündürlüyü iki mm azalsa da təkər bazası 2810-dan 2864 mm-ə, uzunluğu 4657-dən 4708 mm-ə və eni 1881-dən 1891 mm-ə qədər artıb. Bu da birinci nəsl X5 modelindən daha böyük olmasını göstərir.
Milli.Az 4charx.com-a istinadən bildirir ki, xarici görkəmdə ingilabı dəyişikliklər baş verib. Ən əsas fərq isə öndə hiss olunur: fənərlər artıq vizual olaraq daha iri radiator barmaqlığından ayrılıb. Duman əleyhinə fənərlər isə, artıq dəyirmi deyil, uzadılmış işıqdiodludur.
Ban mükəmməl şəkldə optimizə edilib. Çəki paylanması idealdır - 50:50. Ümumi çəkisi əvvəlkindən fərqli olaraq 55 kq daha azdır. Baqaj həcmi isə yenilənməyib, 550-dən 1600 litr arasında dəyişir.
Salonda artıq hərəkətlərlə idarə olunan 10,2 dyümlü multimediya sistemi də quraşdırılıb. Əlavə ödəməylə rəngli proyeksiya ekran, 12,3 dyümlü virtual cihazlar paneli, üç zonalı klimat-kontrol, interaktiv BMW Display Key açarı, pnevmoasma olmadığı üçün M-asma və digər opsiyaları sifariş vermək mümkündür.
BMW X3 üç versiyada təqdim olunacaq: 360 atlı M40i benzin, həmçinin 190 at güclü xDrive20d və 265 at güclü xDrive30d dizel mühərrikli. Bütün güc aqreqatları 8 pilləli hidromexaniki avtomat sürətlər qutusu ilə tandemdə çalışacaq. İlin sonunda 252 atlı xDrive30i, 2018-ci ilin baharında isə, 184 a.g. təşkil edən xDrive20i benzin mühərrikli versiyalar da satışa çıxarılacaq. Sonuncu Amerika Bazarı üçün nəzərdə tutulub, Avropa və Azərbaycanda təklif olunmayacaq. Qiymət barədə məlumat verilməyib.
Milli.Az