Azərbaycanda yol qəzası baş verib, xəsarət alanlar var

19 İyun 2017 00:52

Bakı-Qazax yolunda iki nəfərin xəsarət alması ilə nəticələnən avtomobil qəzası baş verib.

Milli.Az APA-ya istinadən xəbər verir ki, hadisə Kürdəmir rayonu ərazisində qeydə alınıb.

Yol nəqliyyat hadisəsi zamanı xəsarət alan şəxslər-Göyçay şəhər sakinləri, 1986-cı il təvəllüdlü Mikayılov Müşfiq Mikayıl oğlu və 1982-ci il təvəllüdlü Həmidov Əli Akif oğlu müxtəlif dərəcəli bədən xəsarətləri ilə Göyçay rayon Mərkəzi Xəstəxanasına çatdırılıb. Hadisənin təfərrüatı müəyyənləşdirilir.
 
Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.

Milli.Az