ABŞ-Rusiya-BMT görüşü keçirilib

19 May 2017 22:49

İsveçrənin Cenevrə şəhərində Suriya üzrə üçtərəfli ABŞ-Rusiya-BMT görüşü keçirilib.

Milli.Az APA-ya istinadən xəbər verir ki, bunu BMT baş katibinin Suriya üzrə xüsusi elçisi Staffan de Mistura bəyan edib.

"Biz Suriya üzrə danışıqları və digər məsələləri müzakirə etdik. Görüş çox konstruktiv oldu", deyə S.de Mistura bildirib.
 
Onun sözlərinə görə, hökumət və müxalifət nümayəndələrinin iştirakı ilə Suriya üzrə danışıqlarının növbəti raundu iyunda baş tutacaq. "Dəqiq tarix hələ ki, müəyyənləşməyib", deyə De Mistura qeyd edib.

Milli.Az