Ermənistan ordusunda ciddi itki - 26 hərbçi öldü

18 May 2017 12:43

Bu il ərzində Ermənistan Silahlı qüvvələrində ölüm halları kəskin şəkildə artıb və bu məqam hüquq-mühafizə sistemində ciddi narahatlıqlar doğurur.

Milli.Az azvision.az-a istinadən xəbər verir ki, bu barədə məlumatı "Johovurd" nəşri yayıb. Qəzet rəsmi məlumatlara əsasən bildirir ki, 2017-ci ilin yanvar ayından hazırkı dövrə qədər Ermənistan ordusunda 26 ölüm halı qeydə alınıb. 

Onlardan 10-nu cəbhə xəttində baş verən atışmada öldürülüb. 16 hərbçi isə intihar, qəza, əsgərlər arasında güllələmə, silahla davranma qaydalarının pozulması və törədilən cinayətlər nəticəsində ölüb. 

Qeyd edək ki, bu zaman ərzində baş verən ölüm hallarından məsul olan bir nömrəli şəxs, Ermənistan müdafiə naziri Vigen Sarkisyan seçki kompaniyası ilə məşğul olub. Baş verən ölüm hallarının əsas səbəbi nazirin öz vəzifəsinin icrası ilə məşğul olmamasında göstərilir. 

Xatırladaq ki, erməni KİV-lərinin yaydığı məlumatalar sırf Ermənistan müdafiə nazirliyinin yaydığı rəsmi məlumatlara söykənir. Cəbhə xəttində düşmənə vurulan cavab tədbirləri nəticəsində sadəcə son bir ayda itkilərin təxminən yuxarıda göstərilən ümumi itkiləri əvəz etdiyini deyə bilərik.

Milli.Az

Digər maraqlı xəbərlər Milli.Az-ın Facebook səhifəsində