"Bəzi müsəlman ölkələrinin Ermənistanla əlaqə saxlaması İslamın ruhuna ziddir"

20 Aprel 2017 13:06

Bəzi müsəlman ölkələrinin Ermənistanla müxtəlif sahələrdə əlaqə saxlaması İslamın ruhuna ziddir.

Milli.Az Trend-ə istinadən xəbər verir ki, bunu Azərbaycan Prezidenti Administrasiyasının İctimai-siyasi məsələlər şöbəsinin əməkdaşı Bəhruz Həsənov deyib.

Onun sözlərinə görə, həmin dövlətlər müsəlman ölkəsi olan Azərbaycanın ərazilərini işğal edən Ermənistanla əməkdaşlıq edirlər:

"Azərbaycanın işğal altındakı ərazilərində olan məscidləri, qədim tarixi abidələri dağıdan bir işğalçı ölkə ilə əməkdaşlıq etmək digər müsəlman ölkəsinə yaraşmır. İşğalçı dövlətlə əməkdaşlıq etmək İslam həmrəyliyini pozmaq deməkdir".

Milli.Az

Digər maraqlı xəbərlər Milli.Az-ın Facebook səhifəsində