"Facebook" şirkəti eyniadlı sosial şəbəkədə yerləşdirilən materiallar və nəşrlərdən şikayət prosedurunu sadələşdirmək niyyətindədir.
Milli.Az lent.az-a istinadən xəbər verir ki, bu barədə şirkətin qlobal əməliyyatlar üzrə vitse-prezidenti Castin Osofski bəyanat yayıb.
Onun sözlərinə görə, buna səbəb ABŞ-ın Klivlend şəhərində sevgilisi ilə dalaşan 37 yaşlı Stefen Stevensin 74 yaşlı kişini "Facebook"un canlı yayımında qətlə yetirməsidir. Bu hadisədən sonra "Facebook" rəhbərliyi standartlardan kənar video və materiallardan şikayət etmək imkanını sadələşdirməyi qərara alıb. Hazırda şirkətin mütəxəssisləri bu istiqamətdə çalışırlar.
Bu arada məlum olub ki, Klivlend polisi 37 yaşlı qatilin yeri barədə məlumat verən şəxsə 50 min dollar mükafat vəd edib.
Milli.Az