ABŞ-ın Milli Aviasiya və Kosmik Tədqiqatlar Agentlyinin "Cassini" planetlərarası stansiyası Saturnun təbii peyki Enseladdakı okeanların səthinin altında hidrotermal mənbələrin ola biləcəyini aşkarlayıb.
Milli.Az Science-ə istinadən bildirir ki, Enseladın təkindən fışqıran su şırnaqlarının tərkibində 1,4 faiz miqdarında molekulyar hidrogen və 0,8 faiz karbon qazı var. Bu, mikrorqanizmlərin metan qazını biosintez etmələri üçün önəmli məqamdır.
Eyni zamanda aşkarlanan proses Saturnun təbii peykinin okeanlarının altında hidrotermal mənbələrin, yəni həyatın olduğunu göstərir.
Yerdə belə proseslər okeanların dərinliklərində primitiv mikroblar olan anaerob arxeylərin ekosistemlərinin mövcudluğunu şərtləndirir.
Saturnun təbii peyki Enseladın təkində termodinamik müvazinət də pozulub.
Enselad Saturnun ölçüsünə görə 6-cı təbii peyki, Ayıdır. Enselad planet ətrafında 32,9 saata tam dövrə vurur. Təbii peykin radiusu Yerdən 25, kütləsi isə 200 min dəfə azdır.
Enseladda həddən ziyadə seyrək atmosfer var. Su mantiyasının altında bərk silikat nüvə var. Buz qatının altında isə okean var.
Enseladdakı hidrotermal aktivliyin suyu +90 qızdırdığı güman olunur.
Xatırladaq ki, bir qədər əvvəl ultrasoyuq, Yerdən 40 işıq ili məsafəsində yerləşən qırmızı cırtdan ulduz TRAPPIST-1 ətrafında planetimizə bənzəyən 7 ekzoplanetin dövr etdiyi aşkarlanmışdı.
Milli.Az
Videonu izləmək üçün şəklə klikləyin: