"Real Madrid" Çempionlar Liqasında titulunu qorumaq üçün 1/4 finalda "Bayern"i mübarizədən kənarlaşdırmalı olacaq.
Milli.Az goal.az-a istinadən xəbər verir ki, madridlilərin mətbuat xidmətinin rəhbəri Emilio Butragenyo püşklə bağlı bunları deyib:
"Bavariya" püşkdə bizə düşə biləcək ən güclü rəqiblərdən idi. Onlar da bizim barəmizdə eyni şeyi düşünürlər. Təcrübəli komandadır, hər mövqedə ulduz futbolçular çıxış edir. "Bayern"lə bu mərhələdə qarşılaşmaq istəməzdik. Cavab oyununu evdə keçirmək bizə müəyyən üstünlük verir. Almaniyada da sərfəli nəticə qazanmaq lazımdır. Maraqlı qarşıdurma olacaq.
Milli.Az