Sığorta müqavilələri aydın şəkildə tərtib edilməlidir. Şərtlər də sığortaçıya tam izah edilməlidir. Göstərişlərə əməl etməyən sığorta şirkətlərini ciddi cəza gözləyir. Maliyyə Bazarlarına Nəzarət Palatası sığorta şirkətlərinə növbəti dəfə xəbərdarlıq edib.
Milli.Az xezerxeber.az-a istinadən bildirir ki, sığorta müqavilələri aydın şəkildə tərtib edilməlidir. Bunu Maliyyə Bazarlarına Nəzarət Palatasının Direktorlar Şurasının sədri Rüfət Aslanlı sığorta şirkətlərinin rəhbərləri ilə görüşdə deyib. Görüş zamanı o, istehlakçıların hüquqlarının qorunması məqsədilə müqavilələrin müştərilər üçün tam aydın şəkildə tərtib edilməsini tapşırıb.
Göstərişə əməl etməyən sığorta şirkətlərini cəza gözləyir. Hüququ pozulan sığortaçılar Maliyyə Bazarlarına Nəzarət Palatasına müraciət edə bilərlər.
Palata müqavilələrin düzgün tərtib edilməsi istiqamətində sığorta şirkətləri ilə zəruri tədbirləri davam etdirir.
Milli.Az