Sumqayıt ŞPİ əməkdaşlarının həyata keçirdikləri əməliyyat-axtarış tədbirləri nəticəsində ötən ilin sentyabr ayından bu ilin mart ayına kimi şəhər ərazisində silsilə oğurluqlar törətməkdə şübhəli bilinən Əşrəf Qəniyev saxlanılıb.
Milli.Az ARB TV-yə istinadən xəbər verir ki, araşdırma zamanı Qəniyevin ümumilikdə altı çay evi, bir market və 3 fərdi yaşayış evindən pul, elektrik naqili, təmir-tikinti alətləri, tütün məmulatları, televizor və kondisionerlər oğurlaması müəyyən edilib.
Əşrəf Qəniyev - saxlanılan şəxs: "Plazma televizor götürmüşəm. Ayrı-ayrı çay evinə girib götürmüşəm. Satmamışam. Qoymuşam evə".
Qeyd edilən faktlarla bağlı Sumqayıt ŞPİ-nin İstintaq Şöbəsində Cinayət Məcəlləsinin müvafiq maddələri ilə cinayət işi başlanılıb, istintaq tədbirləri davam etdirilir.
Milli.Az
Videonu izləmək üçün şəklə klikləyin: