"Bozbash pictures" komandasının üzvləri qala gecələrdən birində görüntüləniblər.
Milli.Az axşam.az-a istinadən bildirir ki, aktyor İlkin Həsəni açıqlama verərək yeni lentə aldıqları "Stalinin başı" filmindən danışıb.
O bildirib ki, çəkilişlər artıq başa çatıb və montaj işləri gedir:
""Axırıncı yol"dan da maraqlı, gülməli, uzun aylar dillərdə gəzəcək yeni komediya hazırlamışıq. Hər filmimizdə olduğu kimi bu dəfə də personajlarımız fərqli obrazda olacaqlar. Qərar vermişik ki, hər filmdə bir obraz önə çəkilsin. "Stalinin başı"nda əsas rolda İlkin Miskərlidir. Super bir macəra komediyasıdır. Marta güclü hazırlaşırıq. Qala gecəmiz martda olacaq".
Qeyd edək ki, filmdə İlkin Həsəni, Elşən Orucov, Ramil Babayev, Azər Baxşəliyev, Nicat Rəhimov və İlkin Miskərli rol alıblar.
Milli.Az
Digər maraqlı xəbərlər Milli.Az-ın Facebook səhifəsində