Milyarder dünyanı barmağına doladı

Milli.Az xəbər portalı "The Wall Street Journal"a istinadən bildirir ki, məşhur amerikalı maliyyəçi, investor və milyarder Corc Soros dünya bazarlarındakı hadisələrin inkişafını yenə əvvəlcədən təxminləyə bilib. Onun "Soros Fund Management" investisiya fondu malik olduğu bütün qızıl ehtiyatlarını satıb.

Qızıl və gümüşün aprel ayında dünya bazarlarında rekord həddə çatmış qiymətləri artıq sürətlə ucuzlaşmağa başlayıb.

Maliyyəçilərin fikrincə, qızılın ucuzlaşması investorların valyuta bazarlarını tərk etməsi və onların qızıla olan maraqların azalması ilə bağlıdır.

Sorosun fondu qızılla gümüşü ABŞ və dünya iqtisadiyatındakı deflyasiya təhlükəsi şəraitində kapitalı qorumaq üçün satın almışdı. Soros indi belə təhlükə görmür: ABŞ-ın Federal Ehtiyat Sistemi deflyasiya ehtimalını azaltmaq üçün ölkənin maliyyə sisteminə "pul inyeksiyaları"nı davam etdirir.

Milli.Az