Tailandın mərhum kralı Pumipon Adulyadetin yeganə oğlu və varisi şahzadə Maha Vaçiralonqkorn ölkənin yeni kralı olmaqla bağlı parlamentin təklifini qəbul edib.
Milli.Az The Bangkok Post-a istinadən bildirir ki, dünən o, taxta çıxıb.
"Dəvəti qəbul edirəm və Tailand xalqının rifahı, səadəti naminə kral səlahiyyətlərini icra edəcəyəm", - yeni kral deyib.
Bundan sonra Tailandın baş naziri Prayut Çan-Oça formal prosedurların başa çatdığını deyib: "Tailandın artıq yeni kralı var".
Beləcə, Maha Vaçiralonqkorn Bodintharathepphayavaranqkun Çakri (10-cu Rama) sülaləsindən 10-cu kral oldu.
Kral Mahanın tacqoyma mərasimi gələn ilin payızında, mərhum kral Pumiponun kremasiyasından sonra keçiriləcək.
Kral Pumipon Adulyadet (9-cu Rama) oktyabrın 13-də, 89 yaşında vəfat edib. 1946-cı ildən taxtda olan kralın dönəmində Tailandda absolyut monarxiya təkamül edərək konstitusiyalı monarxiya olmuşdu.
Milli.Az
Videonu izləmək üçün şəklə klikləyin: