Neftin qiyməti sürətlə bahalaşır

1 Dekabr 2016 21:09

Dünya bazarlarında "qara qızıl"ın qiyməti bahalaşmaqda davam edir.

Milli.Az oxu.az-a istinadən bildirir ki, ICE London birjasında Brent markalı neftin bir barelinin qiyməti 4,18% bahalaşaraq 54,1 dollara satılıb.

Sonuncu dəfə Şimal dənizi neft qatışığının qiyməti 2015-ci ilin oktyabr ayında 54 dollarlıq həddi keçmişdi.

Qeyd edək ki, OPEK-in bu gün Vyanada keçirilən sammitində təşkilata daxil olan ölkələrin ümumi neft hasilatının gündəlik 1,2 mln. barel azaldılması barədə qərar qəbul edilib.

Milli.Az