12:36
Milli.Az apasport.az-a istinadən xəbər verir ki, Azərbaycan Kubokunda rəqiblər bəlli oldu:
Azərbaycan Kuboku
2016/17 mövsümü
1/16 final, 12 oktyabr
1. "Turan Tovuz" - "Bakılı"
2. "Şəmkir" - "Qaradağ Lökbatan"
1/8 final, 2-3 dekabr
3. "Zirə" - 1-ci cütün qalibi
4. "Neftçi" -"Şərurspor"
5. "Qarabağ" - "Səbail"
6. "Sumqayıt" - MOİK
7. "İnter" - 2-ci cütün qalibi
8. "Kəpəz" - "Şahdağ"
9. "Qəbələ" - "Zaqatala"
10. AZAL - "Rəvan"
--------
10:21
Bu gün Azərbaycan Kubokunda 2016/17-ci illər mövsümünün püşkatma mərasimi keçiriləcək.
Milli.Az apasport.az-a istinadən xəbər verir ki, AFFA-nın inzibati binasında keçiriləcək mərasim saat 12:00-da start götürəcək.
Tədbirdə yarışın 18 iştirakçısının rəqibləri bəlli olacaq. Premyer Liqa klubları "Qarabağ", "Zirə", "Qəbələ", "İnter", "Kəpəz", "Neftçi", AZAL, "Sumqayıt" yarışa 1/8 finaldan başlayacaq. I divizion təmsilçiləri - "Rəvan", "Qaradağ Lökbatan", MOİK, "Şəmkir", "Zaqatala", "Turan Tovuz", "Bakılı", "Şahdağ", "Şərurspor", "Səbail" də kubokda qüvvəsini sınayacaq. "Ağsu", "Energetik", "Mil-Muğan" və "Göyəzən" isə bu dəfə yarışa qatılmayacaq.
Öncə 1/16 final mərhələsinin iki cütü bəlli olacaq. Bu raundda I divizion təmsilçiləri görüşəcək.
Ardınca 1/8 finalın 8 cütü müəyyənləşəcək. Bunlardan 6-da iki komanda yer alacaqsa, 2-də bir klub ilk mərhələdəki cütlüyün qalibini gözləyəcək.
Kubokun 1/16 final mərhələsi oktyabrın 12-də baş tutacaq. 1/8 final isə dekabrın 2-3-nə planlaşdırılıb.
İki oyundan ibarət olacaq 1/4 finalın matçları da bu il baş tutacaq. İlk oyunlar dekabrın 11-13-də, cavab qarşılaşmaları 20-21-də oynanılacaq. 2017-ci il martın 30-da və aprelin 5-də keçiriləcək yarımfinal matçlarında finalçılar bəlli olacaq. Həlledici qarşılaşma isə mayın 5-də oynanılacaq.
Milli.Az