Neftin qiymətində kəskin bahalaşma

21 Aprel 2011 11:58

Milli.Az xəbər portalının Rusiya KİV-nə istinadən verdiyi məlumata görə, bu, ABŞ-ın neft ehtiyatının azaldığına dair məlumatların fonunda baş verib. Londonun "ICE Futures Europe" birjasında "qara qızıl"ın 1 barelinin qiyməti bir gecədə 2,52 dollar bahalaşaraq 123,85 dollara çatıb.
Nyu-Yorkun NYMEX birjasında da artım daha kəskindir. Ötən gecə burada 1 barel neftin qiyməti düz 3,17 dollar artıb. İndi Amerika yüngül neftinin 1 bareli 111,45 dollardır.

Qeyd edək ki, ABŞ-ın Energetika Nazirliyi ölkədə neftin kommersiya ehtiyatlarının 2,32 milyon barel azaldığını açıqlayıb.

Milli.Az