Qeyri-qanuni ovlanmış 6300 manatlıq nərə balığı tutuldu - FOTO

4 Mart 2010 12:10

Milli.Az nazirliyin saytına istinadən xəbər verir ki, reyd zamanı Bakı-Quba magistral yolunun Siyəzən rayonu ərazisində 40 BG 086 dövlət nömrə nişanlı "VAZ 2101" markalı avtomobilə baxış keçirilərkən 16 ədəd nərə, 1 ədəd nərəcinsli uzunburun və 50 BN 951 dövlət nömrə nişanlı "Moskviç" markalı maşından isə 11 ədəd nərə, 2 ədəd nərəcinsli uzunburun balıq aşkar edilib.

Qanunsuz ovlanmış 30 ədəd balıq götürülərək orqanoleptik müayinə olunması üçün Siyəzən rayon Gigiyena və Epidemiologiya Mərkəzinə göndərilib. Müayinə olunmuş balıqların uzun müddət yüksək temperaturda saxlanıldığı üçün istifadəyə yararsız olduğu müəyyən edilib.

Təbiətə dəymiş 6300 manat məbləğində ziyanın ödənilməsinin təmin olunması və təqsirkar şəxslər barəsində qanunamüvafiq tədbirlərin görülməsi üçün nazirlik tərəfindən Siyəzən rayon polis şöbəsinə müraciət olunub.

Milli.Az

--------------------------------------------------------------------------------