Bu gün Bakıda 17 yaşadək futbolçular arasında Avropa çempionatı start götürüb.
Milli.Az "Report"a istinadən bildirir ki, ilk oyun günündə 2 qrupda 4 görüş keçirilib. "A" qrupunda yer alan Azərbaycan millisi Portuqaliya yığması ilə üz-üzə gəlib.
Qarşılaşma Bakı Olimpiya Stadionunda açılış mərasiminin ardından oynanılıb. Polşalı baş hakim Bartoş Frankovskinin idarə etdiyi görüş qonaq komandanın böyük hesablı qələbəsi ilə yekunlaşıb - 5:0.
Qitə birinciliyinin final mərhələsində 16 komanda 4 qrupda mübarizə aparır.
Milli.Az