"Evimin içində sanki məndən başqa kimsə yaşayır. Bu, qarabasma deyil. 20 ilə yaxındır ki, mən belə yaşayıram".
Axşam.az-ın məlumatına görə, bu sözləri əməkdar artist Zöhrə Abdullayeva "Bizimləsən" verilişində deyib:
"Divanda uzanmışdım, televizora baxırdım. Gözümü açanda gördüm, düz qabağımda kimsə dayanıb. 2 saniyəyə yox oldu. O gəzmir, süzülüb gedir. Qışqırdım, ayağa qalxdım. Birdən evdə otururam, eşidirəm ki, kimsə məni çağırır: "Zöhrə, ay Zöhrə". Belə hallarla tez-tez qarşılaşıram".
Z.Abdullayeva dünyasını dəyişmiş həyat yoldaşından da bəhs edib:
"Mən həyat yoldaşıma necə qarğış etdimsə, o cür də oldu. Hasar uçdu, başına daş tökülüb öldü. Kaş ölməyəydi. Mən bu gün ər çörəyi yeyərdim, sabahın dərdini çəkməyəydim. Bütün kişilər xəyanət edirlər, eybi yox".
Milli.Az