20:16
"Vixr-9" yanğınsöndürmə gəmisinin komandiri daxili xidmət polkovnik-leytenantı Kryuçkov Vyaçeslav Sergeyeviç dekabrın 9-da dəfn edilib.
Trend Fövqəladə Hallar Nazirliyinin saytına istinadən məlumat verir ki, dəfn mərasimində fövqəladə hallar naziri general-polkovnik Kəmaləddin Heydərov, habelə nazirliyin şəxsi heyəti, daxili işlər nazirinin müavini polis general-leytenantı Oruc Zalov iştirak ediblər.
Xatırladaq ki, dekabrın 4-də Azərbaycan Respublikası Dövlət Neft Şirkətinin "Günəşli" yatağındakı 10 saylı dərin dəniz özülündə baş vermiş qəzanın nəticələrinin aradan qaldırılması işlərində qəhrəmanlıqla iştirak etmiş FHN-in "Vixr-9" yanğınsöndürmə gəmisinin komandiri daxili xidmət polkovnik-leytenantı V.Kryuçkov dekabrın 8-də ürək çatışmazlığından vəfat edib.
-----------
16:27
"Günəşli" yatağında baş verən faciə zamanı neftçilərin köməyinə gələn Fövqəladə Hallar Nazirliyinin "Vixr-9" yanğınsöndürmə gəmisinin komandiri, polkovnik-leytenant Vyaçeslav Sergeyeviç Kryuçkov bu gün dəfn olunacaq.
Musavat.com-un məlumatına görə, hazırda mərhumla vida mərasimi keçirilir. Mərasimdə fövqəladə hallar naziri Kəmaləddin Heydərov da iştirak edir.
Milli.Az