"Qəbələ"nin baş məşqçisi Roman Qriqorçuk Azərbaycan Premyer Liqasının 14-cü turunda "Rəvan"la bərabərə qaldıqları oyunu (1:1) şərh edib.
Qol.az-ın PFL-in saytına istinadən yaydığı xəbərə görə, o, nəticədən narazı olduğunu vurğulayıb:
"Oyun barədə nə deyə bilərəm? Nəticədən narazıyam. Biz bu oyunda qalib gəlmək istəyirdik. Hücumlarımızın sonluğunu gətirə bilmirdik. Top bizdə çox olurdu, çox hücumlar edirdik, ancaq bu hücumları qola çevirə bilmədik. Bu bizim çatışmazlığımız kimi qalır. Bu səbəbdən xeyli xallar itiririk".
Milli.Az