Daşkəsən polisi oğurluqda şübhəli bilinən 3 nəfərdən ibarət dəstəni zərərsizləşdirib. Milli.Az Kəpəz TV-yə (Region TV) istinadən xəbər verir ki, İki qardaş dostları ilə əlbir olaraq dayısının və xalasının evini qarət edib. Üstəlik onlar əməllərinə görə heç peşman deyillər.
Daşkəsən Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində rayonun Xoşbulaq kəndində Pərvanə Novruzovaya məxsus evi qarət edən Gəncə sakinlər 26 yaşlı Emin və 22 yaşlı Sultan Əliyev qardaşları, eləcə də onların yaxın dostu 33 yaşlı Ürfan Məhərrəmov saxlanılıb. Onlar evdən seyfi, müxtəlif markalı televizorlar, DVD-lər, eləcə də xeyli miqdarda qiymətli məişət əşyalarını oğurlayıblar. Bundan başqa polisin araşdırması zamanı məlum olub ki, qardaşlar dostları ilə birlikdə bir müddət əvvəl dayıları Məhəmmədli Novruzovun evindən də oğurluq ediblər. Polis hər iki evdən oğurlanan maddi sübutları aşkarlayaraq istintaqa təqdim edib.
Bərzani Abbasov, baş müstəntiq: "Əliyev Emin Mobil oğlu Əliyev Sultan Mobil oğlu və onların tanışları Məhərrəmov Ürfan Nürəddin oğlu qabacadan əlbir olub bir qrup təşkil edərək 21 sentyabr 2015 ci il tarixdə Əli Novruzovun yaşadığı mənzilə daxil olaraq qeyd edilən ev əşylarını oğurlayıblar. Həmin şəxslər 9 oktyabr 2015 ci il də isə oradan məişət əşyalarını gizli yolla talayaraq oğurluq ediblər".
Saxlanılan hər üç şəxs Novruzovların evindən oğurluq etdiklərini etiraf ediblər. Emin və Sultan Əliyev qardaşları yaxın qohumlarının evini qarət etdikləri üçün peşman olmadıqlarını bildiriblər.
Sultan Əliyev, saxlanılan şəxs: "Varlıdan aparmışam, kasıbdan götürməmişəm ki. Öz xalamın evindən oğurluq etmişəm. Nə düşüb onu eləmişəm. Kasıbdan aparım nə edim, kasıbın adı, onsuz da, kasıbdır. Kasıb sözü pula getmir, amma varlı sözü pula gedir. Elə qoy özü də eşitsin".
Emin Əliyev, saxlanılan şəxs :"Peşmanılığı mən Məhəmmədəli ilə Pərvənayə görə keçirmirəm. Mən uşaqlarıma görə peşman ola bilərəm. Amma belə də kimə nə düşüb odur. Başa gələn çəkilər. Söhbət oradadır ki, niyə mən hər gün "Xan"da nahar eləmirəm".
Hər iki faktla bağlı Daşkəsən Rayon Polis Şöbəsində cinayət işi açılıb, istintaq aparılır.
Milli.Az
Videonu izləmək üçün şəklə klikləyin.