Milli.Az gilənarla soğan şorabasının hazırlanma qaydasını təqdim edir
Tərkibi:
(0.5 litrlik iki banka üçün)
1 kq xırda soğan (arpacıq)
1 st təzə, yaxud dondurulmuş gilənar
yarım dəstə cəfəri
10 ədəd mixək
10 ədəd qara dənəvər istiot
marinad:
1 l su
4 x.q. şəkər tozu
2 x.q. duz
Soğanın üstünə qaynar su tökün, sonra dərhal soyuq suya salın. Proseduru təkrar edin (bu, soğanın qabığının asanlıqla çıxması üçündür). Təmizlədikdən sonra başlarını da kəsin, təmiz bankalara yığıb ara-bərədə gilənar səpin. İstiot, mixək və cəfəri də əlavə etməyi unutmayın.
Marinad üçün gərəkli ərzağı qaynadın. Bankalardakı soğanla gilənarın üstünə tökün. 5 dəqiqə saxlayın. Yenidən marinadı qaytarıb qazana süzün, bir daha qaynadın, yenidən bankalardakı soğanın üstünə tökün. Bankaların qapağını bağlayın, tərs çevirin, büküb bu vəziyyətdə 1 sutka saxlayın. Sonra soyuq yerə qoyun.
Nuş olsun!
Milli.Az